Тиш олингандан сўнг тиш жойида қон қуйилиб қоладиган бўшлиқ (ковак) ҳосил бўлиши керак. 1-2 кун ичида қуйилган қон ичидан қон томирлари ва нерв толалари ўсиб чиқиб, милк ҳосил қилади. Милк эса суяк ва нерв толаларини ҳимоялайди. Агар тиш олдиргандан бир неча кун ўтиб, бу нарса сўрилиб кетса, демак, нерв толалари ва суяк ҳимоясиз қолади. Унга ҳаво ва овқат қолдиқлари кириши натижасида шу жойга касаллик юқиши ва оғриқ кузатилиши мумкин.

Агар тиш ўрни очилиб қолса, мустақил даволанишга киришиб бўлмайди. Яхшиси, стоматолог ҳузурига бориш керак. Стоматолог тиш ковагини тозалаб, ичига тампон (қон ёки йирингни шимиб оладиган, дориланган пахта ёки дока) қўяди. Шунингдек, антибиотик ёки шўр сув билан чайқаб туришни тавсия қилади. Бундай молажадан кейин 7-10 кунда даво топиш мумкин.

Чекиш тиш ўрнининг очилиб қолишини ривожлантиради. Шунинг учун тиш олдиригандан сўнг чекмай турган маъқул. Шунингдек, тиш олдиргандан сўнг 6-8 соат совуқ ва қайноқ сув ичмаслик, суюқликни найчада ичиш ва биринчи кун оғизни чайқамаслик лозим. Йиринг бўлса, 2-3 соатдан кейин чайилади.