Ўзбекистон миллий жамоасининг Грузияга қарши ўртоқлик ўйин учун чақирилган футболчилари рўйхатида яна бир ўзгариш кузатилди.
Куни кеча миллий жамоа бош мураббийи Сречко Катанец Беларусда фаолият олиб бораётган легионер Шаҳбозбек Умаров коронавирус юқтириб олгани сабабли йиғинга кела олмаслигини маълум қилгани ҳақида айтганди. ЎФА ҳам бу хабарни тасдиқлади.
«Шаҳбозбек Умаров Covid-19 инфексияси билан касалланганлиги сабабли Ўзбекистон миллий жамоасининг бу галги ўқув-йиғин машғулотларида иштирок этолмайди. Мураббийлар штабининг қарорига кўра, Умаров ўрнига миллий жамоага «Қизилқум» клуби футболчиси Ислом Кенжабоев жалб этиладиган бўлди», – дейилади ЎФА хабарида.
Аввалроқ, яна бир футболчи Рустам Ашурматов виза муаммоси сабабли Кореядан Ўзбекистонга кела олмагани ва унинг ўрнига «Пахтакор» ҳимоячиси Марлен Чобанов чақирилгани ҳақида хабар берилганди.
Izoh qoldiring
Sizning elektron pochta manzilingiz nashr etilmaydi. Majburiy maydonlar * bilan belgilangan