Ўзбекистон Республикаси Конституцияси қабул қилинганлигининг 29 йиллиги муносабати билан “Мини футбол” бўйича “Сурхондарё вилояти давлат солиқ бошқармаси бошлиғи кубоги” бўлиб ўтди. “Спортни сев, спорт билан яша!” шиори остида ўтказилган мусобақада вилоят давлат солиқ бошқармаси ходимларидан иборат “Алпомиш”, “Янги Ўзбекистон”, “Сурхон” ҳамда “Жануб гавҳари” жамоалари ўзаро куч синашдилар. Тезлик, эпчиллик, маҳорат ва аниқликни талаб қилувчи ушбу ўйинда солиқ ходимлари ўзларининг жисмоний имкониятлари ва иқтидорларини синовдан ўтказдилар. Қизғин ва муросасиз баҳсларга бой бўлган мусобақа якунида “Янги Ўзбекистон” жамоаси зафар қозониб, Бошқарма бошлиғининг кубогини қўлга киритдилар. Соғлом турмуш тарзини кенг татбиқ этиш ва оммавий спортни янада ривожлантириш мақсадида ташкил этилаётган бу каби спорт тадбирлари ташкилот ва идораларда куннинг асосий қисмини компьютер қаршисида ўтказаётган ходимларнинг жисмоний фаоллигини ошириш ва уларнинг саломатлигини мустаҳкамлашга қаратилганлиги билан аҳамиятлидир.

Сурхондарё вилояти ДСБ Матбуот хизмати