Сурхондарё вилояти Узун туманида яшовчи фуқаролар узум етиштириш бўйича катта тажрибага эга. Мазкур туман аҳолиси воиш усулида узум парваришлаб, мўл ҳосил етиштиришнинг ҳадисини олган десак, адашмаймиз. Узун тумани давлат солиқ инспекцияси бошлиғи, 4-сектор раҳбари Равшан Боймирзаев ташаббуси билан ушбу туманнинг “Баҳористон” маҳалласи “Охунбобоев” кўчасининг 480 метр қисмида 230 тупдан ортиқ қора мерс навли узум кўчатлари экилди. Металл конструкциясидан ихчам ва баланд қилиб барпо этилган мазкур воиш учун 180 та темир устунлари ўрнатилди. Ҳозирда ишлар изчиллик билан давом этмоқда.

Сурхондарё вилояти ДСБ Матбуот хизмати