Қашқадарё вилояти ҳокимининг биринчи ўринбосари, Маҳаллабай ишлаш ва тадбиркорликни ривожлантириш агентлигининг Қашқадарё вилоят бошқармаси бошлиғи, Марказ раҳбарлари ва бир гуруҳ Ҳоким ёрдамчилари Сурхондарё вилоятида ҳоким ёрдамчилари томонидан маҳаллаларда тадбиркорликни ривожлантириш, аҳоли бандлигини таъминлаш борасида амалга оширилаётган ишлар билан танишиш, ўзаро тажриба алмашиш мақсадида Сурхондарё вилоятига ташриф буюришди.

Делегацияга вилоят ҳокимининг биринчи ўринбосари Ф.Маманов бошчилик қилиб, вилоятда тадбиркорликни ривожлантириш борасида амалга оширилаётган ишлар билан таништирди.

Меҳмонлар дастлаб Шеробод туманидаги улуғ муҳаддис Абу Исо Муҳаммад ат-Термизий ансамблига ташриф буюришди. Шундан сўнг, Термиз туманидаги “Термиз карго” халқаро логистика марказида ҳамда Ангор ва Шеробод туманларида аҳоли томорқачилиги ва қишлоқ хўжалигида амалга оширилаётган ишлар билан яқиндан таништирилди.

Динора Самадова, “Asrnews.uz” веб сайти мухбири.