Қумқўрғон туманида аҳолининг ижтимоий ҳимояга муҳтож қатламини қўллаб-қувватлаш, уларни камбағалликдан чиқариш мақсадида 27 та кам таъминланган, боқувчисини йўқотган ва ногиронлиги бўлган оилаларга бир бошдан соғин сигир бепул берилди.

• Уч нафар вояга етмаган фарзандларим бор, турмуш ўртоғим вафот этганига 5 йил бўлган, – дейди “Янгиер” маҳалласи яшовчи фуқаро Х. Умарова. – Берилган соғин сигир дастурхонимизни сут-қатиқ билан тўлдириб, рўзғоримизга барака қўшади. Бугунги синовли кунларда биз каби эҳтиёжманд оилаларга ғамҳўрлик қилинаётгани, моддий ва маънавий ёрдам кўрсатилаётгани учун Президентимиз, ташаббускор раҳбарларимизга миннатдорлик билдираман.