Воқеа тафсилотига кўра, Мажид Расулов (исм-фамилияси ўзгартирилган) 2020 йил 13 февраль куни Шеробод тумани “Чорбоғ” маҳалласидаги яшаш хонадони ошхонасида спиртли ичимлик истеъмол қилиб, турмуш ўртоғи Н.Астанақулова билан оилавий келишмовчиликлар сабабли жанжаллашиб қолиб, Н.Астанақуловани қўли билан уриб, оёғи билан тепиб, ушбу жойда бўлган ошхона пичоғини олиб ўнг оёқ сон соҳасига икки маротаба санчиб олиб, “ўртача оғирликдаги шикаст” тан жароҳати етказган.
Суд мажлисида судланувчи, жабрланувчи вакили, жабрланувчи, гувоҳнинг кўрсатмалари, иш бўйича тарафлар музокараси, жиноят иши хужжатлари ўрганилиб, судланувчининг айби исботланди.
Судланувчи Дони Расуловнинг (исм-фамилияси ўзгартирилган)га жазо тури ва муддатини тайинлашда иш ҳолатларидан келиб чиқиб, унинг муқаддам судланмагани, қилмишидан чин кўнгилдан пушаймон эканини содир этилган жиноятнинг ижтимоий хавфлилик даражасини, унинг шахсини, оилавий шароитини, пушаймонлигини, бир оила эканлигини, турмуш ўртоғи билан ярашиш ниятида эканлигини инобатга олган холда, судланувчига нисбатан сутканинг муайян вақтида, яъни кеч соат 22:00 дан эрталаб 06:00 га қадар яшаш жойидан чиқиш чеклаш ҳуқуқи билан 3 (уч) йил муддатга озодликдан чеклаш жазоси тайинланди.

ЖИБ Шеробод туман судининг раиси З.Нарзиев
ЖИБ Бойсун туман судининг девонхона мудири Ш.Кодиров