Чехия, Австрия ва Венгрия давлатлари ўртасидаги чегаралар фуқароларнинг эркин ҳаракати учун жума куни маҳаллий вақт билан 12.00 да очилиши айтилган. Словакия пайшанба куни ушбу мамлакатлар учун ўз чегараларини очди. Германия билан музокаралар давом этмоқда, дея хабар беради Чехия Ташқи ишлар вазирлиги раҳбари Томасз Петршичек.
«Чехия ҳукуматининг навбатдан ташқари мажлисида Австрия ва Венгрия билан тенглик асосида чегараларни очиш тўғрисида қарор қабул қилинди. Словакия билан бу қарор пайшанба куни кучга кирган эди. Германия ҳукумати билан музокаралар давом этмоқда ва немис фуқаролари учун ҳали ҳам аввалги шартлар мавжуд», – деди Петршичек.
Вазирнинг сўзларига кўра, Германия ҳукумати барча қўшнилари билан чегараларни очишни мувофиқлаштиришни хоҳлайди. Шу билан бирга, Чехия фуқаролари, масалан, қўшни мамлакатда ишлаш, шифокор ёки савдо музокараларини олиб бориш учун Германия федерациясига ташриф буюришлари мумкин.
Izoh qoldiring
Sizning elektron pochta manzilingiz nashr etilmaydi. Majburiy maydonlar * bilan belgilangan