2009 йилнинг 19 май куни Лейпциг клубига асос солинди. Мутлақо нольдан. Албатта катта маблағ инвестиция қилинди. Бу борада Рэд Булл компанияси ва унинг раҳбари Дитрих Матешиц катта тажрибага эга. Аввал у бир неча клубни сотиб олиб, қисқа муддат ичида ўз чемпионатида титуллар учун курашадиган даражага олиб чиқди. Шунингдек, Формула-1 пойгаларида ҳам айнан у Рэд Булл жамоасини чемпион қилди. Лейпциг ҳам шу йўлни босиб ўтмоқда.

2013 йилга келиб Лейпциг 3-лигага чиқди. 2014 йилда 2-Бундеслига йўлланмасига эга бўлди. 2016 йилда эса Бундеслигада иштирокини бошлади. Ана шунда клубга супер талант мураббий Юлиан Нагельсман Хоффенхаймдан таклиф этилди.
Биринчи мавсумнинг ўзида Бундеслигада 2-ўрин ва Чемпионлар лигаси йўлланмаси қўлга киритилди. 2019 йилда Лейпциг Германия кубоги финалига чиқди ва Баварияга ютқазиб қўйди.
 
2020 йил. 11 йил ичида. Лейпциг. Чемпионлар лигаси. ЯРИМ ФИНАЛИДА.
Вау. Дитрих Матешиц чин маънода спорт менежменти даҳоларидан.

Бугун бўлиб ўтадиган ярим финалда Лейпцигга қарши Мбаппе, Неймар, Ди Мария, Навас, Силва каби супер юлдузлардан иборат ПСЖ майдонга тушади. Энг қизиғи, бу қарама-қаршиликда ПСЖ яққол фаворит эмас. Ўйлайманки, энди бу муваффақиятини ҳам Лестерда бўлгани каби “Лейпциг эртаги” деб атаса бўлади.

Кўрайликчи бугун эртак бахтли якун топадими ёки ПСЖ миллионлари ниҳоят иш берадими. Биргаликда томоша қиламиз.