Twitter ижтимоий тармоғи АҚШ президенти Доналд Трампнинг муаллифлик ҳуқуқини бузгани учун постини ўчириб юборди, деб  хабар бермоқда ABC News.

Twitter вакилининг сўзларига кўра, ушбу хабар сешанба куни муаллифлик ҳуқуқининг бузилиши тўғрисидаги шикоят туфайли олиб ташланган. Телеканалнинг ёзишича, шикоятни британиялик рассом Эдди Грант юборган.

Телевизион маълумотларига кўра, Президент томонидан жойлаштирилган ўчириб ташланган анимацион видеода, штаб-квартираси логотипи туширилган поезд шаҳар бўйлаб юриб бораётганини, демократ Жо Байден темир йўл вагонида аста-секин унинг орқасидан кетаётганини намойиш этади.

Electric Avenue қўшиғи бутун видео давомида янграйди. Сешанба кунигача видео 13 миллиондан ортиқ кўришга эришди.

Хабарларга кўра, Эдди Грантнинг адвокати Трамп саҳифасига жойлаштиргандан кейин муаллифлик ҳуқуқини бузганлик тўғрисида Twitter’га расмий шикоят билан чиқган.

Мусиқачининг адвокати Браян Капланнинг айтишича, на президент, на унинг сайловолди штаби ўзларининг ҳаракатларини ҳимоя қилиш учун бирон бир далил келтирмаган.