Яқиндагина бошланган иқтисодий тикланиш пандемиянинг талабга бўлган жиддий таъсирини бартараф эта олмади, натижада Европа ҳудудида истеъмол нархлари тўрт йил ичида биринчи маротаба пасайиб кетди.

Блоомберг хабарига кўра, дефлясия даражаси август ойида 0,2 фоизни ташкил этган (июлда кузатилган 0,4 фоизли инфлясияга нисбатан).

Ўз навбатида, Европа Марказий банки (ЙМБ) салбий кўрсаткичлар иқтисодиёт учун хавфли бўлган янги таҳдидни юзага келтириши мумкинлиги ҳақида огоҳлантирди. Ваҳоланки, дефлясия ишлаб чиқариш рентабеллигини пасайтиради ва харажатларни оширади, натижада иқтисодий тикланиш секинлашади.

ЙМБ бош иқтисодчиси Филипп Лейннинг таъкидлашича, кейинги қадам инфлясияни рағбатлантириш бўлиши керак.

Эвропа фабрикалари пандемия сабаб юзага келган суст талаб шароити боис кетма-кет 14 ой нархларни пасайтириш заруратига дуч келишди. Шунингдек, иш жойлари ҳамда хом ашё захираларини қисқартиришди, янги етказиб бериш жараёнини эса бир мунча вақтга қолдиришга мажбур бўлишди.

Таъкидланишича, Европа ҳудудида истеъмол ва саноат фаоллиги тиклана бошлаган бўлишига қарамай, дефлясия ва ишсизликнинг ўсиши тикланишга нисбатан хавф туғдирмоқда. Сўнгги олти ой ичида 7 фоиздан ошган евро ҳам яна бир ташвиш манбаи сифатида қайд этилмоқда.

Эвропа Иттифоқи иқтисодиёти жорий йилнинг иккинчи чорагида йиллик кўрсаткич бўйича рекорд даражада 14,4 фоизга камайди ва статистика бошланганидан, яъни 1995 йилдан буён кузатилган энг катта пасайиш бўлди.