ЎзА – Миллий архив фондида ҳаж зиёратига оид қимматли ҳужжат сақланмоқда Ўзбекистон Республикаси Миллий архиви фондида 1572 йилда қайта таъмирланган Макканинг муқаддас жойлари чизмаси алоҳида қимматли ҳужжатлар қаторида сақланмоқда.
“Ўзархив” агентлиги ахборот хизмати раҳбари Анваржон Алиев маълум қилишича, мазкур қўлланма Маккани зиёрат қилувчиларга кўрсатма ҳамда ҳаж сафарини тасдиқловчи ҳужжат сифатида берилган. Ҳаж сафарининг амаллари чизма шаклида кўрсатиб ўтилган.