Самсунг Элеcтрониcс вице президенти ва Самсунг Гроуп меросхўри Ли Чже Ён пора бергани учун икки ярим йилга қамоқ жазосига ҳукм қилинди.

Самсунг компаниясининг бош меросхўри конгглометрда ўз мавқеини сақлаб қолиш учун ҳукумат раҳбарларини сотиб олмоқчи бўлган. Ли Чеэ Ён суд залида қамоққа олинди. Самсунгнинг собиқ раиси Ли Гон Хи 2020 йил 25 октябрь куни Сеулдаги Самсунг касалхонасида вафот этди. Мерос расмийлаштирилиши бир неча йил давом этиши мумкин. Ли Гон Хи 2014 йилда юрак хуружини ўтказган эди, шундан сўнг корпорация бошқаруви унинг 52 ёшли ўғлига ўтди.

Жанубий Корея прокуратураси Ли Чже Ёнга ноқонуний фирибгарлик ва корпорация таркибидаги компанияларни бирлаштиришда айблов қўйди. Жараёнда у 8,9 миллиард вон(8 миллион долларга яқин) маблағни мамлакатнинг собиқ президентининг дугонаси берган. У порани ҳукумат Самсунг таркибидаги ширкатлар бирлашувини қўллаб- қувватлаши учун берган. «Айбланувчи собиқ президент Пак Кин Хенинг талабларига бўйсуниб, отасидан бошқарувни олиш учун фаол равишда пора берган»- дейилган судда.

Пак Кин Хега 2017 йилда конглометр билан боғли можаролар, порахўрлик ва ҳомиятни суистеъмол қилишда айбланиб, унга нисбатан импичмент эълон қилинганди. Собиқ президент ва Чхве Сун Сил бир неча ўн йилга қамоқ жазосига ҳукм қилингнади. Ўшанда Ли Чжи Ён ҳам беш йил озодликдан маҳрум этилганди, аммо 2018 йил февралида суд унинг апелляциясини кўриб чиқиб, исботланган пора миқдорини камайтириб, беш йиллик қамоқ жазосини шартли жазога алмаштирганди.

2019 йил августида Олий суд Ли Чже Ёнга нисбатан аввалги айбловни тиклади ҳамда судга қайта кўриб чиқиш учун топширди. Навбатдаги суд мажлисида айбланувчи Сеул Олий судида 8,7 миллиард вон пора берганини тан олди.