Кўплаб жиноятларнинг содир этилиш ҳолатида спиртли ичимликларни истеъмол қилиш ҳолатлари асосий сабабчи бўлиб қолаётганлиги барчамизга аён. Инсон аъзолари билан бир қаторда унинг руҳиятига ҳам салбий таъсирини ўтказиш ҳар доим кўнгилсиз ҳолатларни келтириб чиқаришини яхши билсада, бугун суднинг қора курсида бошини эгиб ўтирган Шеробод тумани, Шеробод маҳалласида яшовчи Дониёр Тошмуҳамедов (исми шарифи ўзгартириб кўрсатилмоқда) ўзику майлия, оила-аъзолари шаънига ҳам анчайин қора доғ тушурди.

Икки-учта шишадош дўстлари билан улфатчилик қилиб мисоли “шер” қиёфасига кирган бу шахс маст ҳолатда уйга келгач, ўзининг жирканч қилиқларини асл қиёфасида намойиш этиш учун кўчага чиқиб номақбул томоша кўрсатган. 

Қўшниларнинг тичлигини бузиб, кимнидир сўкиб, яна бир аёл қўшнисини куракда турмайдиган сўзлар билан ҳақоратлаб, уйигача қувиб борган.

Кечқурунги дам олиш соатларида қўшниларнинг оромини бузиб, безорилик содир этган, Дониёр Тошмуҳамедовга жиноят ишлари бўйича Шеробод туман судининг қарори билан 15 сутка маъмурий қамоқ жазоси тайинланди.

Олим Тоғаев,  жиноят ишлари бўйича

Шеробод туман судининг раиси                           

Самад Сувонқулов, Сурхондарё вилоят суди судьяси