«Насаф» яримҳимоячиси Марко Станоевич ОФК кубоги чоракфиналидан ўрин олган «Аҳал»га қарши ўйин (3:2) ҳақида ўз фикрларини билдирди.

«Қийин ўйин бўлишига қарамай, ғалаба қозондик. Пенальтичи ҳақида савол бердингиз, шу ҳақда гапирсам. Биласизми, бизнинг жамоада энг яхши пенальтичи – бош мураббий Рўзиқул Бердиев. Ўзбекистон миллий жамоасида ўйнайманми? Очиғи, ҳали бу ҳақда ўйлаганим йўқ», деб Станоевичнинг сўзларини келтирмоқда Tribuna.uz мухбири.

Маълумот учун, Қаршиликлар етакчиси бўлган Станоевич «Аҳал»га қарши ўйинда узоқ масофадан жамоасининг биринчи голига муаллифлик қилди.