Qumqo‘rg‘on tumanida jamoat tartibini saqlash va jinoyatchilikni oldini olish bo‘yicha tungi reyd tadbiri o‘tkazildi. Ushbu tadbirda Bosh prokuror o‘rinbosari S.Samadov, sektor rahbarlari, milliy gvardiya, qo‘riqlash va ichki ishlar bo‘limlari xodimlari ishtirok etdi.
Tadbir ishtirokchilari tumandagi savdo markazlari, sport maydonlari, kompyuter o‘yingohlari, ovqalanish shahobchalarida bo‘lib, olib borilayotgan profilaktik tadbirlarning mazmun mohiyati, jinoyatchilikning oldini olish maqsadida kuzatuv kameralari o‘rnatish va jamoat tartibini saqlash bo‘yicha tushutirish ishlari olib bordi.
Bu borada tuman hokimligi va ichki ishlar organlari hamkorligida “Obod va havfsiz mahalla” tamoyili asosida tizimli ishlar yo‘lga qo‘yilgan. Bosh prokuror o‘rinbosari S.Samadov tomonidan jinoyatchilik va huquqbuzarliklarning oldini olish bo‘yicha mas’ullarga tegishli topishiriq va ko‘rsatmalar berildi.
