Сурхондарё вилояти ИИБ ЙҲХБ Матбуот хизматидан
Ижтимоий тармоқлардаги “@sizdantelegram” каналида 2020 йил 20 феврал куни эълон қилинган ” “ЙПХ нозирлари нега ҳайдовчига куч ишлатди?”
ТЕРМИЗ. “Сурхондарё вилояти Термиз шаҳридан ёзмоқдамиз. ЙПХ ходимлари бир ҳайдовчига куч ишлатиб, хизмат машинасига тиқишга ҳаракат қилмоқда. Одатда, ҳайдовчи маст бўлса ё бирор жиноят қилса, шундай қилишар эди. Аммо у ҳайдовчи маст эмас эди. Қизиқ, нега ИИБ ходимлари ҳайдовчига куч ишлатмоқда?” номли видео лавҳага.
Ўзбекистон Республикаси Транспорт вазирлиги Сурхондарё вилояти Транспорт бошқармаси ҳамда Сурхондарё вилояти ИИБ ЙҲХБнинг 2020 йил 1-февралда тасдиқланган қўшма режасига асосан жорий йилнинг 19 феврал куни вилоят ЙҲХБ ЙПХ 1-сафарбар гуруҳи инспекторлари Р. Турсуналиев, Ж. Бозоров, Х. Тожиев ва Сурхондарё вилояти Транспорт бошқармаси бош инспектори Б. Абдумажидовлар шу куни соат 16:40 лар чамаси Термиз шахри Ибн Сино кўчасида хизмат олиб бораётганида Спарк русумли 75 B 674 HA давлат рақам белгили автомашина 3.27 йўл белгисига амал қилмай тўхтаб йўловчи олганлиги сабабли, ноқонуний йўловчи ташиш фаолияти билан шуғулланаётган ҳайдовчи сифатида тўхтатилиб тегишли хужжатлари сўралганда, ҳайдовчи тақдим этмаганлиги, ҳамда ходимларга нисбатан носамимий муносабатда бўлиб, Сурхондарё вилояти Транспорт бошқармаси бош инспектори Б. Абдумажидовнинг юз қисмига мушт туширганлиги сабабли
Сурхондарё вилояти ИИБ ЙҲХБ ЙПХ инспекторлари ва шу яқин атрофда хизмат олиб бораётган инспекторлар ёрдамга келиб ҳайдовчини Термиз шахар ИИО ФМБ 2-сонли бўлимига олиб бориб, ҳайдовчига нисбатан Ўзбекистон Республикаси МЖтК нинг 135-моддасига асосан автомашинани жарима майдонига қўйилган. Ҳолат юзасидан Термиз шахар прокуратураси терговга қадар суриштирув ишларини амалга оширмоқда.
Сўнги пайтларда фуқаролар томонидан юқоридаги каби ҳолатларни четда туриб кузатиб, вазиятни тўлиқ англамай, тасвирга олиб асоссиз изоҳлар билан ижтимоий тармоқларга тарқатилаётганлиги тез-тез учрамоқда. Азиз ватандош! Кун сайин чирой очиб ривожланаётган юртимизни бу каби ассосиз ва салбий кўринишдаги провокацион материаллар билан дунё ҳамжамиятида обрўсизлантирмайлик.