Dohada Oʻzbekiston elchixonasi ochildi

Dohada Oʻzbekiston elchixonasining ochilish marosimi boʻlib oʻtdi. Qayd etilishicha, mamlakatlar rahbarlari saʼy-harakatlari natijasida ikki tomonlama munosabatlar rivojlanmoqda.

Shu yil may oyida Toshkentda Qatar davlati diplomatik vakolatxonasi faoliyati yoʻlga qoʻyilgan edi.

“Shubhasiz, ushbu elchixonalar aloqalarimizni yanada mustahkamlashga xizmat qiladi”, — deb yozadi tashqi ishlar vaziri.

Maʼlumot uchun, vazir Dohada boʻlib oʻtayotgan “Umumiy kelajakni bunyod etish” mavzusida boʻlib forumida ishtirok etdi.

Shuningdek, Qatar Davlati Qonun ustuvorligi va korruptsiyaga qarshi kurashish markazi Vasiylik kengashi rahbari Ali Bin Fetais Al-Marri bilan uchrashdi. Unda korruptsiyaga qarshi kurash boʻyicha keng koʻlamli masalalar, shuningdek, boʻlajak tadbirlar muhokama qilindi.

Qolaversa, Qatar Islom banki ijrochi direktori janob Bassel Gamal bilan ham uchrashuv boʻlib oʻtdi. Muzokaralar kun tartibidan investitsiya loyihalarini ilgari surish, bilim almashinuvini tashkil etish, zamonaviy bank va moliya xizmatlarini rivojlantirish, shuningdek, loyihalarni moliyalashtirish uchun qoʻshma vositalarni joriy etish masalalari muhokama qilindi.