Isroil Madrimovga ikki xonali uy sovgʻa qilindi (video)

Xorazm viloyati hokimi Joʻrabek Rahimov WBA chempioni Isroil Madrimovni ikki xonali uy bilan taqdirladi. Bu haqda Oʻzbekiston professional boks federatsiyasi xabar qildi.

Avvalroq bokschiga Tahoe avtomobili sovgʻa qilingan edi.

Eslatib oʻtamiz, Isroil Madrimov soʻnggi jangida rossiyalik Magomed Kurbanovni nokautga uchratib, WBA kamarini qoʻlga kiritgandi.