Mutaxassis tavsiyasi: haftada ikki marotaba bodom suti ichish immunitet uchun foydali

?Bodom suti antioksidant, kaltsiy, rux, magniy, temir, fosfor va A vitaminiga boy. Bunday boy tarkib inson immunitetini ragʻbatlantiruvchi taʼsirga ega va bundan tashqari, teri va soch salomatligiga ijobiy hissa qoʻshadi. Bodom tarkibidagi tabiiy kletchatkalar ichaklarning toʻgʻri ishlashiga, shikastlangan shilliq pardalarni tiklashga yordam beradi, ichak faoliyati va uning mikroflorasini yaxshilaydi.

?Bodom suti retsepti:
▫️bodom — 200 gramm
▫️suv — 800 ml xona haroratida.

✔️ Tayyorlash usuli: Bodom idishga solinadi, yuzasi yopilguncha suv quyiladi va bir kechaga qoldiriladi.

♻️ Ertasi kuni ertalab suvni shimib olgan bodom blenderga solinadi va taxminan bir stakan suv qoʻshib, yaxshilab aralashtiriladi.
Soʻngra filtrdan oʻtkazib, maxsus stakanga quyiladi hamda ichiladi.