Qozogʻistonda fuqarolikni olish qoidalari oʻzgartiriladi

Qozogʻiston fuqaroligini olishni xohlovchi xorijliklar hujjatlarni topshirishda yangi guvohnoma taqdim etishi kerak boʻladi, deb xabar berdi Tengrinews.kz nashri.

Ichki ishlar vazirining Qozogʻiston Respublikasi fuqaroligiga qabul qilish masalalari toʻgʻrisidagi buyrugʻiga tegishli oʻzgartirishlar kiritildi.
Kiritilgan oʻzgartirishlarga koʻra, arizaga quyidagi hujjatlar ilova qilinadi: chet el fuqarosi yoki fuqaroligi boʻlmagan shaxsning barmoq izlari va genomik roʻyxatga olish qoidalariga muvofiq barmoq izlari olinganligi toʻgʻrisidagi guvohnoma.

Qozogʻiston fuqaroligini soddalashtirilgan tartibda qabul qilishga ham oʻzgartirishlar kiritildi. Shunday qilib, agar chet el fuqarosida Qozogʻiston Respublikasida doimiy yashash uchun ruxsatnoma berishni rad etish uchun asoslar mavjud boʻlsa (bir vaqtning oʻzida Qozogʻiston Respublikasida doimiy yashash uchun ruxsatnoma olish uchun hujjatlarni taqdim etganda va fuqarolikni soddalashtirilgan holda qabul qilish toʻgʻrisidagi ariza) rad etilishi mumkin.
Tuzatishlar 23 yanvarga qadar muhokama qilinadi.

2024 yil 1 yanvardan boshlab Qozogʻistonda xorijlik fuqarolar barmoq izini qayd etishdan oʻtishi shart. Ichki ishlar vazirligining soʻnggi maʼlumotlariga koʻra, yil boshidan buyon 8 mingga yaqin xorijlik va 7 mingga yaqin qozogʻistonlik barmoq izlaridan oʻtkazilgan.