Saylovda Prezidentning ishonchli vakili boʻlgan deputat yangi lavozimga tayinlandi

Bugun, 4 mart kuni Sayyora Fayziyeva Oʻzbekiston Kasaba uyushmalari federatsiyasi Toshkent viloyati Kengashi raisi lavozimiga tayinlandi. Bu haqda viloyat hokimligi xabar berdi.

Maʼlumot uchun, Sayyora Fayziyeva 1962 yili Toshkent viloyati Boʻstonliq tumanida tugʻilgan. Mazkur vazifaga tayinlangunga qadar u Maʼnaviyat va maʼrifat markazining Toshkent viloyati boʻlimi rahbari lavozimida faoliyat yuritgan.

Shuningdek, Fayziyeva 2023 yildagi prezidentlik saylovlarida Oʻzbekiston Liberal-demokratik partiyasidan nomzodini koʻrsatgan Shavkat Mirziyoyevning Toshkent viloyatidagi ishonchli vakili vazifasini bajargan.