Soʻnggi 10 oyda Oʻzbekistonga necha ming nafar turist kelgani maʼlum boʻldi

Statistika agentligi 2023-yilning yanvar-oktyabr oylarida Oʻzbekistonga kelgan chet fuqarolarining safar maqsadlari boʻyicha sonini maʼlum qildi.

Qayd etilishicha, hisobot davrida Oʻzbekistonga jami 5 mln 545,3 ming nafar chet el fuqarolari turistik maqsadlarda tashrif buyurgan.
Ularning safar maqsadlari quyidagicha:
qarindoshlarni yoʻqlash — 4 mln 652,6 ming kishi;
boʻsh vaqt va dam olish — 659,9 ming kishi;
xizmat yuzasidan — 115,9 ming kishi;
davolanish — 50,3 ming kishi;
tijorat — 51,9 ming kishi;
oʻqish maqsadida — 14,7 ming kishi.