Жорий йилнинг 16- июнь куни Ахборот ва оммавий коммуникатсиялар агентлиги Сурхондарё вилоят ҳудудий бошқармаси, Кадастр агентлиги ва Давлат кадастрлари палатаси Сурхондарё вилоят бошқармаси, Сурхондарё вилояти статистика бошқармаси ҳамда Ўзбекистон Журналистлари ижодий уюшмаси Сурхондарё вилоят бўлими ҳамкорлигида матбуот анжумани бўлиб ўтади.
Сурхондарё вилояти бўйича 721 та маҳаллаларни хариталари бўйича хамда узоқ манзилли, бориб бўлмас жойдаги аҳоли мавжуд бўлган, қишлоқ аҳоли пунктларини хариталарини батомом янгилаш ва сифатли чизиш бўйича тушунтириш ишларини олиб бориш мавзусида бўлиб ўтди. Ўзбекистон Республикаси Вазирлар Маҳкамасининг 2020- йил 11- ноябрдаги “Ўзбекистон Республикасида 2023- йилда аҳолини рўйхатга олишга тайёргарлик кўриш ва уни ўтказиш чора-тадбирлари тўғрисида”ги 710-сон Қарори ижроси юзасидан маьлумотлар бериб ўтилди. Унда вилоят статистика бошқармасининг Рўйхатга олиш жараёнларини ташкил этиш ва ўтказиш бўлим бошлиғи Сирожиддин Остонов, Ҳудудлар давлат кадастрини юритиш бўлими бошлиғи Фахриддин Ашуров ҳамда ОАВ вакиллари иштирок этди.Матбуот анжумани давомида аҳолини рўйхатга олишни ташкил этиш ва ўтказишда нималарга эътибор қаратиш лозимлиги, бу борада амалга оширилиши лозим бўлган чора-тадбирлар хусусида атрофлича фикр-мулоҳаза алмашилди.
Шунингдек, журналист ва блогерлар томонидан берилган саволларга Рўйхатга олиш жараёнларини ташкил этиш ва ўтказиш бўлими бошлиғи С. Остонов томонидан атрофлича жавоб берилди.
Динора Самадова, “Asrnews.uz” веб сайти мухбири.