Юқори барқарорлик рейтинги – имтиёз ва енгилликлар кафолати

Сурхондарё вилояти солиқ бошқармаси ходимлари Термиз шаҳридаги тадбиркорлар билан учрашиб, тадбиркорлик субъектларининг барқарорлик рейтинги тўғрисида тушунтириш ишларини олиб боришмоқда. Навбатдаги манзил «Амудар техтиле» масъулияти чекланган жамияти ҳамда «Доктор А» хусусий клиникаси бўлди.

Бевосита мулоқотларда тадбиркорларга баҳолаш мезонлари, барқарорлик рейтингида юқори кўрсаткичларга эришишда солиқ мажбуриятларини ўз вақтида бажаришнинг аҳамияти, юқори барқарорлик рейтингидаги тадбиркорларга қўлланиладиган имтиёзлар ва енгилликлар ҳақида батафсил маълумотлар берилди.

Тадбиркорларга барқарорлик рейтинги кўрсаткичларини ҳисоблаш даврийлиги, солиқ тўловчи томонидан тегишли ўзгаришлар киритилиши билан кўрсаткичлар онлайн янгиланиб борилиши тушунтирилди.