Блогер Отабек Сатторий қамоқдан манзил-колонияга ўтказилди
Блогер Отабек Сатторий умумий тартибли колониядан манзил-колонияга ўтказилди. Бу ҳақда “Эзгулик” инсон ҳуқуқлари жамияти раҳбари Абдураҳмон Ташанов хабар қилди.
“Ижтимоий тармоқларда қамалиши энг кўп шов-шув бўлган блогер Отабек Сатторий қамоқдан манзил колонияга чиқарилди”, – деб ёзган Ташанов.
Эслатиб ўтамиз, 2021 йил 10 май куни жиноят ишлари бўйича Музработ туман судида Отабек Сатторий (1980 йилда Термиз шаҳрида туғилган, блогерлик фаолияти билан шуғулланади, муқаддам судланмаган) га нисбатан суд ҳукми ўқилган. Унга Жиноят кодексининг бир нечта моддаси билан узил-кесил 6,5 йил муддатга озодликдан маҳрум қилиш жазоси тайинланган эди.
