Суд ҳокимиятининг чинакам мустақиллигини, фуқаролар ҳуқуқ ва эркинликларининг ишончли ҳимоясини таъминлаш ҳамда одил судловга эришиш даражасини ошириш суд-ҳуқуқ тизимини ислоҳ қилиш соҳасида давлат сиёсатининг асосий устувор йўналишларидан биридир.
Хусусан, жорий йилнинг 21 май куни жиноят ишлари бўйича Навбаҳор туман суди раиси Авазжон Ибодов томонидан “Кескантерак” МФЙда сайёр суд мажлиси ўтказилиб, Навбаҳор тумани ИИО Пробация бўлими ҳисобида турган икки нафар маҳкумларни, жазоларни виждонан ўтаганлиги, айни вақтда тузалиш йўлига ўтиб, меҳнатга ҳалол муносабатда бўлганлигини инобатга олиб, уларни инсонпарварлик тамойиллари асосида жазодан озод қилди.
Бу ҳам судлар томонидан фуқароларга жамиятда ўз ўринларини топиши ва уларни эзгу мақсадлар сари олға интилишлари, келгусида бу каби қинғир ишларга қўл урмаслиги учун яна бир бор берилаётган имкониятларидан бири ҳисобланади.
Шунингдек, инсон ҳуқуқ ва эркинликларини ҳимоя қилиш тизимини такомиллаштириш ва мустаҳкамлаш мақсадида умумэътироф этилган халқаро стандартлар асосида бир қатор изчил ишлар амалга оширилиши ҳам бежизга эмас албатта.
Авазжон Ибодов
Жиноят ишлари бўйича
Навбаҳор туман судининг раиси