40 mingga yaqin koreyalik oʻz joniga qasd qildi

Janubiy Koreyada soʻnggi 3 yil ichida 40 mingga yaqin koreyalik oʻz joniga qasd qilgan, shuningdek, oʻz joniga qasd qilish darajasi yosh avlod oʻrtasida sezilarli darajada oshgan, deb xabar bermoqda The Korea Herald.

Sogʻliqni saqlash vazirligi va Koreya Kasalliklarni nazorat qilish va oldini olish agentligi maʼlumotlariga koʻra, 2020-yildan 2022-yilgacha 40 mingga yaqin odam oʻz joniga qasd qilgan.

Ushbu oʻz joniga qasd qilish darajasi oʻsha davrda COVID-19 tufayli yuzaga kelgan oʻlim holatiga nisbatan 32,156 taga koʻpdir.

Koreyada oʻz joniga qasd qilishning umumiy darajasi soʻnggi besh yil ichida biroz kamaydi, 2018-yildan 2022-yilgacha 100 ming kishiga 28,6 foizdan 25,2 foizgacha, lekin oʻsmirlar va yoshlar orasida bu koʻrsatkich oʻsishda davom etmoqda.

Oʻsmirlar oʻrtasida oʻz joniga qasd qilish darajasi 2018-yilda 100 ming kishiga 5,8 foizdan 25,2 foizga, 2022-yilda esa 7,2 foizga, 20 yoshdan 29 yoshgacha boʻlgan odamlar orasida oʻz joniga qasd qilish darajasi shu davrda 17,6 foizdan 21,4 foizga oʻsgan.