AQShlik ayol 3 dollarga sotib olgan vazani 100 ming dollariga sotdi

AQShda ayol 3 dollarga vaza sotib olib, uni 100 ming dollarga sotdi, deb yozadi New York Times nashri. Maʼlum boʻlishicha, bu vaqt davomida amerikalik ayol taniqli italiyalik haykaltaroshining asariga ega boʻlgan.
Jessika Vinsent aytganidek, u vazani birinchi marta savdo doʻkonida koʻrgan. Ayol idishning pastki qismidagi “M” harfi koʻrinishidagi oʻyma bilan qiziqdi. Amerikalik bu oʻzining shisha buyumlari bilan mashhur boʻlgan Venetsiya yaqinidagi Murano orolini anglatadi, deb oʻyladi.

Vazada hech qanday narx koʻrsatilmagan. Vinsent oʻziga buning uchun 9 dollardan koʻp toʻlamasligini aytdi, lekin kassir vazani 4 dollarga sotdi. Uyga qaytgach, Jessika bu haqda iloji boricha koʻproq maʼlumot olish uchun vazani oʻrganishni boshladi.

Maʼlum boʻlishicha, u sotib olgan vaza 1940 yillarda italiyalik haykaltarosh Karlo Skarpa tomonidan yasalgan boʻlib, keyinchalik bu kimoshdi uyi mutaxassislari tomonidan tasdiqlangan. Natijada vaza 100 ming dollarga xususiy kollektsiyachiga sotilgan.