Dushanbeda “Krokus” teraktida ayblanayotganlarning yaqinlari soʻroq qilinmoqda

Dushanbeda Moskvadagi Crocus City Hall binosiga uyushtirilgan hujumda ayblanayotganlarning yaqinlari bilan tergov tadbirlari olib borilmoqda, deya xabar bermoqda Reuters va RIA Novosti Tojikiston xavfsizlik xizmatidagi manbalarga tayanib.

Reuters suhbatdoshlarining aniqlik kiritishicha, rossiyalik tergovchilar 26 mart kuni Dushanbega kelib, hibsga olingan toʻrt nafar Tojikiston fuqarosining yaqinlarini soʻroqqa tutgan. Rossiya tomonining iltimosiga binoan ularning oilalari Tojikiston poytaxtiga Vaxdat va Hisor shaharlari hamda Rudakiy viloyatidan olib kelingan.

RIA Novosti manbasi yaqinlar Rossiya yoki Tojikiston xavfsizlik kuchlari tomonidan soʻroq qilinganiga aniqlik kiritmaydi. Uning soʻzlariga koʻra, tergovning borishi Tojikiston prezidenti Emomali Rahmon nazoratida, u har kuni tergov jarayoni boʻyicha barcha maʼlumotlarni oladi.

22 mart kuni Moskvadagi Crocus City Hall binosida terakt sodir boʻldi. Oxirgi maʼlumotlarga koʻra, terakt oqibatida 139 kishi halok boʻlgan, 182 kishi jarohatlangan. Hujum uchun javobgarlikni IShID guruhi oʻz zimmasiga olgan. FSB 11 gumondorning hibsga olingani, ulardan 8 nafari 22 maygacha hibsga olingani haqida xabar berdi. Tergov maʼlumotlariga koʻra, ulardan besh nafari Tojikiston fuqarolari, yana ikki nafari Rossiya fuqaroligini olgan respublika fuqarolari, yana bir nafari esa Rossiya fuqaroligini olgan Qirgʻiziston fuqarosi.