Oʻzbekistonda limon eksporti 131 tonnaga oshdi

Oʻzbekiston 2023 yilning yanvar-fevral oylarida 6 ta xorijiy davlatlarga qiymati 1,2 mln AQSh dollariga teng boʻlgan 1,4 ming tonna limon eksport qildi. Bu haqda Statistika agentligi xabar bermoqda.

Limon eksporti 2022 yilning mos davri bilan solishtirilganda 131 tonnaga oshgan.

2023 yilning yanvar-fevral oylarida Oʻzbekiston Rossiya (953 tonna), Qirgʻiziston (244 tonna) va Qozogʻistonga (165 tonna) eng koʻp limon eksport qilgan.