Аҳоли вакиллари мурожаати мазмуни шундан иборатки, маҳаллада яшаб товуқ бизнеси билан шуғулланувчи норасмий тадбиркорлар фаолиятидан норози эканини билдиришди. Ноқонуний фаолияти етмагандек, улар харидорларга шу ернинг ўзида товуқни сўйиб бериш хизматини ҳам йўлга қўйган экан. Натижада бу ердаги анти санитария ҳолати, хусусан атрофга тарқалаётган бадбўй ҳид аҳолининг эътирозларига сабаб бўлмоқда.
Биз мурожаатчи билан суҳбатлашиб вазиятни сўраб турган вақтимизда қўштирноқ ичидаги тадбиркорлар келиб бизни ҳар ҳил сўзлар билан ҳақоратлай қетди. Гўёки, биз мурожаатчидан пул олиб масаласини ҳал қилиб беришни вада қилган эканмиз. Бу ҳам етмагандек тасвирга олиш ишларимизга ҳам кескин қаршилик кўрсатилди.
Ахоли чиқиндилар билан боғлиқ муамолардан ҳам қийналишмоқда. Махсус қутилар ўрнатилган бўлсада, уларга эмас балки унга яқин жойга ташлаб кетиладиган чиқиндиларни олиб кетишда қийинчилик туғдираётир. Масалага алоқадор мутасаддилардан расмий изоҳ беришини сўрадик. Кўтарилган масалаларни ижобий ҳал этилишида ҳақиқий тадбиркор ўзига тегишли ҳудудни ободонлаштириши ва чиқиндилар учун махсус жой ташкил этилиши керак деган хулосага келинди. Мутасаддиллар бу ишларни 14 кун ичида ҳал бўлади деб вада беришмоқда, Вадалар вадалигича қолиб кетмаслиги учун ҳали бу мавзуга яна қайтамиз.