Истеъмолчиларга Давлат хизматларини кўрсатишда
Жорий йилда Ўзбекистон Республикаси Энергетика вазирлиги ҳузуридаги Электр энергетикада назорат инспекциясига тадбиркорлик субъектлари томонидан жами 13 879 та объектнинг электр таъминоти лойиҳаларини экспертизадан ўтказиб бериш юзасидан мурожаат келиб тушган бўлиб, ўрнатилган тартибда экспертизадан ўтказиб берилди. Шу билан бирга умумий қуввати 705,11 минг.кВт бўлган 3 837 та тадбиркорлик субъектининг электр қурилмалари тармоққа уланиб амалий ёрдам кўрсатилди.
Шунингдек, тадбиркорлик субъектлари томонидан электр таъминотини лойиҳалаштириш, қуриш ва улардан фойдаланиш фаолиятини лицензиялаш бўйича 177 та хулоса берилди.
“Ҳудудий электр тармоқлари” АЖга тегишли 2 459 та объектда олиб борилаётган электр тармоқ хўжалиги объектларини жорий таъмирлаш ва модернизация ишлари бўйича электр таъминоти лойиҳалари кўрикдан ўтказилиб, шундан 222 та объектнинг электр қурилмалари ишга тайёрлиги бўйича хулосалар берилди.
Инспекция томонидан ўтказилган назорат тадбирлари давомида
35 кВ ва ундан юқори кучланишли электр қурилмаларига эга бўлган истеъмолчиларда 28 та назорат тадбирлари ўтказилиб, 135 та инсон ҳаётига хавф солувчи ва авариявий ҳолатларни келтириб чиқариши мумкин бўлган қоидабузарлик ҳолати аниқланган.
Тасдиқланган режа-жадвалларга асосан Инспекция томонидан Ўзбекистон Республикаси Сув хўжалиги вазирлиги тасарруфидаги насос станцияларида ва бошқа давлат ташкилотларида 47 та текширувлар ўтказилди.
Мазкур текширувларни ўтказиш давомида электр ва иссиқлик энергиясидан фойдаланишда амалдаги қоида ва белгиланган низом талаблари бузилган 706 та қоидабузарлик ҳолатлари аниқланиб, қониқарсиз техник ҳолатда ишлаётган 208 та электр қурилма тармоқдан ажратилди. Текширувлар давомида мазкур ташкилотлар томонидан тизимга 3 179,4 млн.сўм зарар етказилганлиги маълум бўлди.
Электр энергетика соҳасидаги корхоналарда 107 та назорат тадбирлари ўтказилиб, электр тармоқ хўжаликларида амалдаги норматив-ҳуқуқий ҳужжат талабларига жавоб бермаслик ҳолатлари бўйича 2 333 та қоидабузилиш аниқланди. Шунингдек, техника хавфсизлиги қоидаларини бузиш ҳолатлари аниқланган 68 та бригада ишлари тўхтатилди ва юзага келиши мумкин бўлган бахтсиз ҳодисалар олди олинди.
Электр тармоқларига ноқонуний равишда уланган истеъмолчилар юзасидан 265 та тадбир ўтказилиб, тизимга 5,9 млрд.сўмлик зарар келтириш ҳолатлари аниқланди.
Ҳуқуқни муҳофаза қилиш идораларининг мурожаатларига асосан улар томонидан 639 та хўжалик юритувчи субъектда ўтказилган текширувларда Инспекция ходимлари мутаҳассис сифатида иштирок этиб, тегишли хулосалар берилди.
Шунингдек, электр тармоқларининг муҳофаза зоналарига ноқонуний равишда қурилганлиги аниқланган 8 684 та объектдан 6 333 таси бўйича далолатномалар тузилиб, чора кўриш бўйича ҳужжатлар тегишли органларга тақдим этилди.
Энергия самарадорлиги бўйича олиб борилган ишлар бўйича
Юртимизнинг энг чекка ва олис ҳудудларда жойлашган истеъмолчиларга қайта тикланувчи энергия манбаларини ўрнатиш афзалликларини тушунтириш бўйича аҳоли истеъмолчилари иштирокида 100 дан зиёд сайёр қабуллар ўтказиш давомида истеъмолчилар томонидан 68 та қуёш фотоэлектр станцияси ва 14 та қуёш сув иситгичи ўрнатилишига эришилди.
592 та корхоналарда 944 та тадбирлар бажарилиши эвазига жами 29,6 млн.кВт.с, шундан қайта тикланувчи энергия манбаларини жорий этилиши эвазига 736,3 минг.кВт.с электр ва 20,1 минг Гкал иссиқлик энергияси тежалишига эришилди.
Маъмурий бинолар ва инфратузилма объектларида қуёш фотоэлектрик станциялари ва қуёш сув иситиш қурилмаларини ўрнатиш бўйича жами 205 та сайёр қабул ўтказиш натижасида 154 та қуёш фотоэлектрик панели ва 80 та қуёш сув иситгичи ўрнатилди.
Инспекциянинг ҳудудий бўлимлари томонидан реактив энергияни компенсация қилувчи қурилмаларни ўрнатиш бўйича 7 829 та тадбиркорлик субъекти билан ишлар ташкил этилди. Ушбу тадбиркорлик субъектларининг 1 316 таси томонидан реактив қувватни компенсация қилувчи қурилма ўрнатилиши натижасида электр энергиясини узатишдаги технологик йўқолишларни 2 545,7 минг.кВт.с.га камайишига эришилди.
Шу билан бирга 62 та корхоналарда мажбурий энергетика текширувларини ўтказиш бўйича энергоаудиторлар томонидан ишлаб чиқилган текширув Дастурлари тасдиқланиб, бу борадаги ишлар ташкил этилди.
Бугунги кунда электр тармоқ хўжалиги объектларини мукаммал ва жорий таъмирлаш ишлари, иқтисодиёт тармоқлари ҳамда ижтимоий соҳа объектларини куз-қиш мавсумига тайёрлаш энг муҳим вазифалардан бўлиб, бу борада айни кунларда ишлар жадал олиб борилмоқда.
Шунингдек, 178 та турли даражали технологик бузилишларда махсус текширишлар ўтказиб, бу каби технологик бузилишлар олдини олиш бўйича чора-тадбирлар ишлаб чиқилди ва уларнинг ижроси юзасидан назорат ўрнатилган.
Содир бўлган 16 та бахтсиз ҳодисалар махсус текширув ўтказилиб, текшириш натижаси тўғрисидаги маълумотлар ички ишлар органларига тақдим этилди.
Соҳадаги норматив-хуқуқий ҳужжатларни ҳамда техник қоида ва нормаларни вазирликлар ва идоралар томонидан ишлаб чиқилган 44 та норматив-ҳуқуқий ҳужжатлар лойиҳалари инспекция томонидан кўриб чиқилди ва тегишли таклифлар берилди. Янги 91 та норматив-ҳуқуқий ҳужжатлар қабул қилиниши муносабати билан электр энергетикаси соҳасидаги норматив-ҳуқуқий ҳужжатларнинг уларга мувофиқлиги хатловдан ўтказилди.
Электр энергетика ва газ соҳасидаги бир қатор қулайликларни ўз ичига олган, фойдаланишга қулай “EnergoWiki” мобил иловаси ишга туширилди.
Электр энергияси таъминотидан ноқонуний фойдаланиш ҳолатлари таҳлили ва жорий йилда амалга оширилган лойиҳалар
- 40 views
- No comments
