«Барселона» жамоанинг собиқ яримҳимоячиси Хавини бош мураббий этиб тайинлашни мақсад қилган. 

El Chiringuito’нинг ёзишича, каталонияликлар пайшанба куни барча тафсилотларни ҳал қилишга умид қилишмоқда. 

«Кўк-анорранглилар»нинг айрим ўйинчилари аллақачон 41 ёшли мураббий билан гаплашган. 

Хави футболчилик фаолиятининг катта қисмини (1998-2015) «Барса»да ўтказган ва жамоа билан 25та совринни қўлга киритган. 

Собия яримҳимоячи 2015 йилда «Ас Садд»га ўтиб, 2019 йилдан шу жамоа устозига айланган. У мураббийлик фаолиятида Қатар клуби билан 7та совринга эга чиқди.

Эслатиб ўтамиз, «Барса» раҳбарияти Ла Лига 11-туридан ўрин олган «Райо Вальекано» (0:1) билан баҳсдан сўнг бош мураббий Роналд Куманни истеъфога чиқарди. Жамоа чемпионатда 15 очко билан 9-поғонани эгаллаб турибди.