5 ноябрь куни Тўқимачилик технопаркида Гесамтмасче-Германия трикотаж ишлаб чикарувчилар конфедерацияси ва «Ўзтўқимачиликсаноат» уюшмаси томонидан муҳим келишув имзоланди.
Ушбу ваколатхонанинг очилиши Ўзбекистон тўқимачилик маҳсулотлари ва брендларини Европа бозорларида ўз ўрнини эгаллашга улкан туртки бўлади. Ваколатхона бевосита Гесамтмасче конфедерацияси биносида жойлашиши режалаштирилгани Германиялик харидорлар билан яқин алоқаларни йўлга қўйишга имкон яратади. У ерда Ўзбекистон маҳсулотларини Европага экспортини ошириш, тўғридан-тўғри шартномалар имзолаш ва Европа бозори талабини ўрганиш бўйича кенг имконият яратилади. Ваколатхонанинг асосий мақсадларидан бири Ўзбек брендларининг Европа пештоқларида етакчи ўринларни эгаллашга кўмаклашишдир.
Шу билан бирга келишувга биноан чет эллик хамкорлар томонидан маҳаллий ишлаб чиқарувчилар ва соҳа вакилларига муҳандислик ва стратегик режалаштириш, корпоратив лойиҳаларни бошқариш, маркетинг курслари бўйича ўзбекистонлик мутахассисларни тайёрлаш курсларини ташкил этиш бўйича грантлар ажратилиши кўзда тутилган.
Izoh qoldiring
Sizning elektron pochta manzilingiz nashr etilmaydi. Majburiy maydonlar * bilan belgilangan