Сардобада сел талофатлари бартараф этилаяпти

Сардобада сел талофатлари бартараф этилаяпти

Сирдарё вилояти Фавқулодда вазиятлар бошқармаси ҳамда Фавқулодда вазиятларда уларнинг олдини олиш ва ҳаракат қилиш давлат тизимига кирувчи идоралар билан ҳамкорликда “Сардоба сув омбори” атрофида жойлашган “Қўрғонтепа”, “Дўстлик” ва “Юртдош” маҳалла фуқаролар йиғинларида яшовчи 11598 нафар аҳоли Мирзаобод туманига эвакуация қилинган.
Қайд этиш жоизки, қутқарувчилар томонидан 138 нафар фуқаро тошқин оқибатларидан қутқарилди.
Аҳолини эвакуация қилиш тадбирларига Жиззах вилояти ИИБ ЙҲХБ томонидан 170 та автобус ва 27 та юк ташиш автотранспорти жалб этилди.
“Сардоба сув омбори”нинг дамбасини қайта тиклаш мақсадида жами 100 та юк ташиш техникаси орқали тош ва шағал етказиб бериш ишлари ташкиллаштирилди.
Шунингдек, сувда қидирув-қутқарув операциясини ўтказиш ва содир бўлган вазиятга аниқ баҳо бериш, келтирилган зарар миқдорини аниқлаш мақсадида, вилоят Фавқудлодда вазиятлар бошқармасидан 75 нафар шахсий таркиб ва 13 та махсус моторли қайиқлар жалб этилиб, қутқарув ва қидирув ишлари олиб борилди.
Сирдарё вилояти “Оқолтин туманининг “Аҳиллик” ва “Бўстон” маҳалла фуқаролар йиғинлари ҳудудларидаги аҳоли яшаш пунктларини сув босмаганлиги сабабли, 2020 йил 2 май куни Жиззах вилоятига эвакуация қилинган жами 11886 нафар фуқаро ўз яшаш манзилларига соғ-омон қайтарилди.
Фавқулодда вазият оқибатларини бартараф этиш ишлари бўйича ахборот тақдим этиб борилади.

Фавқулодда вазиятлар вазирлиги матбуот хизмати

Posts Carousel

Izoh qoldiring

Sizning elektron pochta manzilingiz nashr etilmaydi. Majburiy maydonlar * bilan belgilangan

Latest Posts

Top Authors

Most Commented

Featured Videos