Тошкент Тиббиёт академияси Кўп тармоқли клиникаси терапия реанимация бўлими шифокорлари Нурбек Aсқаров,
Дилдора Набиева:

COVID-19 оғир кечган беморларда пневмониядан ташқари кардит, нефрит, гепатит (юрак, буйрак ва жигар зарарланиши) аниқланди. Тадқиқот натижаларига кўра, касалликнинг тизимли тарзда, яъни бир нечта аъзонинг зарарланиши билан кечишини кўрсатди.

Стационар даволанаётган 30 нафар беморда антинуклеар антитанача учун қон таҳлили ўтказилганида 18 нафар беморда (60 фоиз) мусбатлиги аниқланди.

Антинуклеар антитанача (АНА) – бу аутоиммун яллиғланишнинг специфик кўрсаткичи бўлиб, ревматологик амалиётда тизимли касалликларни аниқлаш учун қўлланилади. Беморларда мусбат АНА борлиги уларда пневмониядан ташқари бошқа касалликлар ҳам асорат сифатида қолиши мумкинлигини англатади.

Aгар касалликни аутоиммун яллиғланиш билан ўтадиган бўлса, касалликнинг сурункалига ўтишини ва қайталанишининг олдини олиш керак.

Бунинг учун барча беморларда аутоиммун яллиғланиш бор ёки йўқлигини аниқлаш, аниқланган ҳолда касалликдан тузалиб чиққан беморларни энг камида 1 йил давомида диспансер назоратига олиш зарур.