«Барселона» клуби президенти Жоан Лапорта Эмерсон Роялнинг таништирув маросимида клуб расмий каналига Лионель Месси билан янги шартнома имзолаш жараёни қандай кетаётгани ҳақида гапириб ўтди: 

«Биз Мессини жамоада қолдириш устида иш олиб бормоқдамиз. У биз билан қолмоқчи ва биз бу масалани тез орада ижобий ҳал қилмоқчимиз. 
Барчамиз унинг Ла Лигада қолишини хоҳлаймиз, у дунё даражасидаги ўйинчи. У энг зўр футболчи ва лигани юқори даражада ушлаб туриш учун жуда ҳам керак. Мен Месси Каталонияда қолмоқчи эканини биламан ва буни жуда қадрлайман. Барчаси энг тўғри йўлда кетмоқда», – деди Лапорта. 

Эслатиб ўтамиз, аргентиналик футболчининг «кўк-анорранглилар» билан шартномаси 30 июнь куни якунига етганди ва у ҳозирда эркин агент ҳисобланади.