Ўзбекистонда 16 август куни соат, тахминан, 21:00 дан бошлаб Telegram мессенжери фаолиятида техник муаммолар кузатилди. Фойдаланувчилар иловага кира олмаган ёки унда ўз хабарларини юборишда муаммолар кузатилаётганлигидан шикоят қилган.
Downdetector маълумотига кўра, Telegram ишидаги узилиш Россия, Украина ва Латвияда ҳам кузатилган. Манбада мессенжер фаолиятидаги бундай узилишлар нима сабабдан юз бераётганига изоҳ берилмаган.
Telegram қўллаб-қувватлаш маркази вакили каналида қайд этилишича, муаммо Telegram тарафида эмас, бироқ жамоа алоқани сақлаб қолишга ҳаракат қилмоқда.
Ўзбекистонликлар Instagram ва Facebook ишида ҳам узилишлар бўлаётганини айтмоқда. Аммо Downdetector’да бундай носозлик юз бераётгани қайд этилмаган
Izoh qoldiring
Sizning elektron pochta manzilingiz nashr etilmaydi. Majburiy maydonlar * bilan belgilangan