Париж мода ҳафталиги нафақат либослар, балки L’Oreal Paris томонидан ўтказиладиган гўзаллик намойиши экани билан ҳам машҳур.

Фото: Elle

Анъанавий тарзда унда етакчи супермоделлар, балки гўзаллик маркаларининг вакиллари ҳам иштирок этади. Шоу шаҳарнинг энг кўзга кўринган жойларида ўтказилиши ўзига хослик саналади. 2021 йилги шоу Эйфель минорасининг шундоққина этагида бўлиб ўтди. Стилистлар 2022 йил баҳордаги бьюти-трендларни намойиш қилганидан келиб чиқиб, унда либосларни иккинчи даражали аҳамиятга эга бўлган деб айтиш мумкин. Тадбирнинг бу йилги мавзуси — аёлларнинг ҳуқуқ ва имкониятларини ҳамда кўча зўравонлигига қарши бренд кампанияларини кенгайтиришдан иборат.

Фото: Elle

Фото: Elle

Ҳинд актрисаси Айшвария Рай Le Defile L’Oreal Paris подиумининг энг асосий меҳмонларидан бўлган. Ундан ташқари шоуга Хелен Миррен, Кэтрин Лэнгфорд, Эмбер Херд ва бошқа кўплаб юлдузлар ташриф буюрган. 1994 йилги «Дунё гўзали» замонавий сарини эсга соладиган оппоқ либос кийиб келган.

Фото: Elle

Унинг лабига пушти помада билан урғу берилган макияжи атрофдагилар эътиборини тортган. Актриса Парижга ўтган ҳафта турмуш ўртоғи Абхишек Баччан ва қизи Арадя билан бирга учиб келган. Жуфтлик ижтимоий тармоқлардаги саҳифасида сафари давомидаги суратлар билан бўлишган.