АҚШ давлат котиби Майкл Помпео Хитой Коммунистик партиясини Россия ва Эрон ҳукуматидан кўра Америка учун хавфлироқ деб топди, деб ҳақда у ФохНеwс телеканалига берган интервюсида маълум қилди, деб ёзмоқда Дарё нашри.

«Қўшма Штатлар учун энг катта хавф Хитой коммунистик партиясидан келмоқда. Коммунистик партия ўзининг қуролли кучларини кучайтириб, АҚШга Россия ҳеч қачон қилмаганидек, кириб келди», — дейди Помпео.

Шунингдек, Помпеонинг таъкидлашича, бу ҳақда ўзи танишган разведка маълумотларида сўз боради.

Июл ойида давлат котиби Хитой АҚШ билан муносабатларда СССРнинг хатосини такрорлаётганини маълум қилганди. Масалан, иттифоқчилардан узоқлашиш, эгалик ҳуқуқини инкор этиш ва қонунларга риоя қилмаслик. Бундан ташқари, Помпео Америка—Хитой муносабатларини замонавий совуқ урушга қиёслаган. Унинг фикрича, «ҳозирги замон миссияси» Хитой коммунистларидан озодликни ҳимоя қилиш.

Аввалроқ Пентагон АҚШ Конгресси учун Хитой Қуролли кучларининг ҳолати тўғрисидаги йиллик ҳисоботини эълон қилганди. Унда ёзилишича, Хитой Халқ озодлик армияси камида мудофаанинг учта соҳаси бўйича АҚШ армиясидан ўтиб кетган.