Бектемир Мелиқўзиев навбатдаги жангини март ойида ўтказиши мумкин
Чарм қўлқоп устамиз Бектемир Мелиқўзиев навбатдаги жангини баҳорнинг бошида, яъни март ойида ўтказишни режа қилаётганини маълум қилди.
Профессионал боксчимиз океан ортида машғулотларни давом эттириш мақсадида январь ойида АҚШга жўнаб кетади. Унинг айтишича, промоутерлари март ойида Бектемирга жанг ташкил этиб беришни мақсад қилишган.
Катта эҳтимол билан бу Элиминатор, яъни чемпионлик йўлидаги саралаш жанги бўлиши мумкин.
Эслатиб ўтамиз, Бектемир Мелиқўзиев сўнгги жангини 8 октябрь куни Алантес Фоксга қарши ўтказиб, рақибини нокаутга учратганди.
