Хитойликлар сичқонларда ҳалокатли вирусни синаб кўрди

Хитойликлар ҳалокатли вирусни сичқонларда синаб кўрди. Вирус ҳайаонларнинг суяклари, ўпкалари, трахеялари, кўзлари ва мияларига таъсир қилган ва ўлимдан олдин кўзлар бутунлай оқариб кетган.
Хитойлик олимлар мутацияга учраган COVID-19 штамми билан тажриба ўтказмоқда, бу сичқонлар учун 100% ҳалокатли.
Бу ҳақда ўтган ҳафта Пекинда чоп этилган тадқиқотга таяниб nypost.com хабар бермоқда.

GX_P2V номили ҳалокатли вирус одамларга ўхшаш генетик таркибни акс эттирилган сичқонларнинг миясига ҳужум қилди.
Вирус билан касалланган барча сичқонлар саккиз кун ичида вафот этди, тадқиқотчиларнинг таъкидлашича, бу “ажойиб” тез ўлим даражаси.
GX_P2V ҳайвонларнинг ўпкалари, суяклари, кўзлари, трахея ва миясига таъсир қилган ва ўлимдан бир неча кун олдин кемирувчилар тезда вазн йўқотишиб, эгилиб, жуда суст ҳаракат қилишган.

Энг ёмони, ўлимдан бир кун олдин уларнинг кўзлари бутунлай оқариб кетган.
Олимларнинг ёзишича, ушбу синов COVID-19 билан боғлиқ вирус билан касалланган сичқонларнинг 100% ўлим даражаси бўйича, илгари ўтказилган бошқа тадқиқотдан анча устундир.
Лондон Университет коллежи генетика институтининг эпидемиология мутахассиси Франсуа Баллоух тадқиқотни “даҳшатли” ва “илмий нуқтаи назардан мутлақо маъносиз” деб атади.

2024 йилги тадқиқотнинг COVID-19 пандемияси билан боғлиқ лаборатория келиб чиқиши назариялари маркази бўлган Хитойнинг Вухан вирусология институти билан алоқаси йўқ кўринади. Ёзда АҚШ разведка агентликлари коронавирус лабораториядан сизиб чиққани ҳақида ҳеч қандай тўғридан-тўғри далил топмадилар, аммо улар вируснинг бошқа лабораториядан чиққан бўлиши мумкинлигини истисно қилмаганлар.

Эслатиб ўтамиз, ЖССТ экпертлари коронавирусдан 20 баробар хавфлироқ “Х” касаллигига тайёр бўлиш зарурлигини таъкидлашган эди.