Мамлакатимизда ўтган йиллар давомида суд-ҳуқуқ соҳасида кўплаб ислоҳотлар амалга оширилди. Инсон ҳуқуқларини ҳимоялашнинг самарали механизмлари шакллантирилди. Бундай кенг кўламли чора-тадбирлар самараси инсон, унинг ҳаёти, эркинлиги, қадр-қиммати ва бошқа дахлсиз ҳуқуқлари энг олий қадрият экани бугун жамиятимиз ҳар бир аъзосининг ҳақ-ҳуқуқлари, қонуний манфаатлари таъминланаётганида ўз ифодасини топмоқда.
Судлар ўз фаолиятини танқидий таҳлил, қатъий тартиб-интизом ва шахсий жавобгарлик асосида амалга ошириб келмоқдалар. Зеро, бу ғоялар ҳар суд ходими фаолиятининг кундалик қоидаси бўлиб қолиши зарурдир. Ҳуқубузарликлар профилактикаси ва жиноятчиликка қарши курашиш судлар олдига кечиктириб бўлмас вазифаларни қўймоқда. Жиноят ишлари бўйича Бойсун туман суди томонидан 2019 йил давомида Ўзбекистон Республикаси ЖКнинг 104-моддаси қасддан баданга оғир шикаст етказиш, 105-моддаси қасддан баданга ўртача оғир шикаст етказиш, 109-моддаси қасддан баданга енгил шикаст етказиш, 110-моддаси қийнаш билан боғлиқ кўрилган жиноят ишлари туман ИИБ дан олинган статистик маълумотлар асосида суд амалиёти умумлаштирилиб, таҳлил қилинди.
2019 йил давомида Ўзбекистон Республикаси ЖКнинг 104-моддаси бўйича 2 нафар шахсга нисбатан 2 та жиноят иши кўриб тамомланган, шундан 2 нафар шахсга нисбатан 2 та жиноят иши бўйича ҳукм чиқарилган. Шу жумладан, 1 та шахсга нисбатан 1 та иш бўйича жарима, 1 та шахсга нисбатан 1 та иш бўйича озодликни чеклаш жазоси тайинланган.
2019 йил давомида Ўзбекистон Республикаси ЖКнинг 105-моддаси бўйича 3 нафар шахсга нисбатан 3 та жиноят иши кўриб тамомланган, шундан 3 нафар шахсга нисбатан 3 та жиноят иши бўйича ҳукм чиқарилган. Шу жумладан, 2 та шахсга нисбатан 2 та иш бўйича ахлоқ тузатиш ишлари, 1 та шахсга нисбатан 1 та иш бўйича озодликни чеклаш жазоси тайинланган.
2019 йил давомида Ўзбекистон Республикаси ЖКнинг 109-моддаси бўйича 6 нафар шахсга нисбатан 5 та жиноят иши кўриб тамомланган, шундан 3 нафар шахсга нисбатан 3 та жиноят иши бўйича ҳукм чиқарилган, 3 нафар шахсга нисбатан 2 та жиноят иши бўйича ҳаракатдан тугатилган. Шу жумладан, 3 та шахсга нисбатан 3 та иш бўйича ахлоқ тузатиш ишлари жазоси тайинланган.
2019 йил давомида Ўзбекистон Республикаси ЖКнинг 110-моддаси бўйича 6 нафар шахсга нисбатан 2 та жиноят иши кўриб тамомланган, шундан 5 нафар шахсга нисбатан 1 та жиноят иши бўйича ҳукм чиқарилган. Шу жумладан, 1 та шахсга нисбатан 1 та иш бўйича ахлоқ тузатиш ишлари, 3 нафар шахсга нисбатан озодликни чеклаш, 1 нафар шахсга нисбатан озодликдан маҳрум қилиш жазоси тайинланган. 1 та шахсга нисбатан 1 та иш бўйича тиббий йўсиндаги мажбурлов чораси қўлланилган.
Бундан ташқари, ҳуқуқбузарликлар профилактикаси ва жиноятчиликка қарши курашиш юзасидан ўсган жиноятчилик юзасидан тумандаги “Ўрта Мачай”, “Ҳунармандлар”, “Чор-чинор”, “Сангчил”, “Юқори Мачай”, “Кўл-қамиш”, “Тўда” ҳамда Қизириқ туманидаги “Полвонтош” маҳалла фуқаролар йиғинига ҳар бир жиноятчилик юзасидан тақдимномалар киритилди.
Хулоса ўрнида шуни айтиш мумкинки, ҳуқубузарликлар профилактикаси ва жиноятчиликка қарши курашиш борасида амалга оширилаётган ишлар нафақат фуқароларимизнинг ҳуқуқий онги ва ҳуқуқий маданиятини, балки уларнинг қонунга нисбатан ҳурмат ҳиссини ҳам оширмоқда.
ЖИБ Бойсун туман суди девонхона мудири Ш.Қодиров 
